ოთახის მცენარეები საცხოვრებელს არა მხოლოდ მყუდროებას მატებენ, არამედ შენობაში ჟანგბადის შემცველობას ზრდიან.
სამწუხაროდ, ხანდახან მცენარეები ჭკნება სხვადასხვა მიზეზის გამო, როგორ კარგადაც არ უნდა უვლიდეთ. ერთ-ერთი მიზეზი, შესაძლოა, პარაზიტები იყოს, რომელთა დანახვა შეუიარაღებელი თვალით ძნელია. ხშირად არასწორი მორწყვის შემთხვევაში ყვავილების წოთანში შეიძლება გაჩნდეს ქინქლები, რომლებიც დროთა განმავლობაში ნიადაგში კვერცხებს დებენ და შეიძლება არასასურველი შედეგითაც დასრულდეს. ქინქლები თავს კომფორტულად გრძნობენ ნესტიან ნიადაგში.

თუ ქინქლების გაჩენას შეამჩნევთ პირველ რიგში ყურადღება მიაქციეთ მორწყვის რეჟიმს. ხშირად ქინქლები ჩნდება ზამთრის პერიოდში, როცა სიგრილეა და მცენარე ნაკლებ მორწყვას ითხოვს.

არსებობს ერთი მარტივი საშუალება, რომლის დახმარებითაც შესაძლებელია პარაზიტებისგან გათავისუფლება. მის შესასრულებლად საკმარისია ასანთის რამდენიმე ღერი. ჩაარჭვეთ გოგირდის თავით ასანთის ღერი მიწაში ქოთნის კედლიდან 5 სმ-ის დაშორებით და მორწყეთ ყვავილები. 2 დღეში ასანთის ღერი ახლით შეცვალეთ, კიდევ 2 დღის შემდეგ კი პარაზიტები გაქრება.
ფოსფორი და გოგირდი, რომელთაც ასანთის თავები შეიცავს, ნიადაგში კარგად იხსნება და საგულდაგულოდ აცილებს მცენარეს დაუპატიჟებელ სტუმრებს.