შენ ის ხარ რასაც ჭამ. ეს გამოთქმა უბრალო აბსტრაქცია არ არის. საკვები არა მარტო ჯანმრთელობაზე მოქმედებს, არამედ სხეულის სუნზეც. თუ შეამჩნევთ, რომ თქვენს ოფლს უსიამოვნო სუნი აქვს, პრობლემა შეიძლება არა მხოლოდ ჰორმონალური ფონის ცვლილებაში, არამედ თქვენს კვებაშიც იყოს. ზოგი პროდუქტის ხშირმა გამოყენებამ შესაძლოა კანის სუნის პრობლემასთან მიგვიყვანოს. 

მამაკაცებს, რომლებიც რეგულარულად იკვებებიან წითელი ხორცით, უსიამოვნო და მძაფრი სუნის ოფლი აქვთ. ამ დასკვნამდე მივიდნენ პრაღის უნივერსიტეტის მკვლევარები. მათ აიღეს სინჯები, როგორც ვეგეტარიანელი, ისე ხორცის მჭამელი მამაკაცებისგან. ეს სინჯები გადაეცათ ექსპერიმენტში მონაწილე ქალბატონებს, რომლებსაც უნდა ამოერჩიათ ყველაზე უფრო უსიამოვნო სუნის მქონე სინჯი. უმრავლესობას სწორედ იმ მამაკაცების სინჯი ამოარჩია, რომლებიც თითქმის ყოველდღე იკვებებოდნენ წითელი ხორცით. 

ძეხვეული - ამ ერთი შეხედვით უწყინარ პროდუქტებს, შეუძლიათ აწიონ კუჭის მჟავიანობა, გამოიწვიონ შებერილობა, გაზების დაგროვება და გააუარესოს ოფლის სუნი. ამის მიზეზი ის არის, რომ მათ შემადგენლობაში ხორცზე მეტად სხვადასხვა ქიმიური დანამატი შედის. ამიტომ უმჯობესია უარი თქვათ ძეხვეულზე, ან შეამციროთ მათი რაოდენობა. 

თევზი სასარგებლო პროდუქტია. თუმცა ზოგიერთ ადამიანში ის უსიამოვნო სუნს იწვევს. საქმე იმაშია, რომ არსებობენ ადამიანები, რომლებსაც ნივთიერებათა ცვლისა და მეტაბოლიზმის დარღვევა აქვთ. ამ იშვიათ დაავადებას ტრიმთილამუნურეა ჰქვია, მისი მატარებელი თევზის მიღებისას ასეთივე სუნს გამოსცემს. ორგანიზმში ვერ ამუშავებს პროდუქტს, რაც ტოქსინების დაგროვებას და კანის უსიამოვნო სუნს იწვევს. 

კურკუმა, ეს ცნობილი ინდური სანელებელი პიკანტურ გემოსა და სურნელს აძლევს არამარტო საკვებს, არამედ თქვენს კანსაც. თუ ამ სანელებლით შეკმაზული საკვები მიირთვით, უმჯობესია თავი შეიკავოთ ფიზიკური აქტივობისგან, რადგან ოფლი რომელსაც გამოყოფთ აუცილებლად უსიამოვნო სუნის იქნება.

თუ თქვენ ე.წ ფასდფუდების მოყვარული ხართ, ხშირად მოგიწევთ დეზოდორების გამოყენება. ზეთები და სწრაფი კვების ზოგიერთი ინგრედიენტი ნამდვილი კოშმარია ჩვენი ორგანიზმისთვის, სხვა ზიანთან ერთად ისინი საოფლე ჯირკვლებზეც უარყოფითად მოქმედებენ. 

ხახვი და ნიორი შეუცვლელი საკმაზია არაერთი კერძისთვის. თუმცა ისინი უსიამოვნო სუნსაც იწვევენ პირის ღრუში. ამის მიზეზი არასტაბილური ნივთიერებებია., რომელსაც ხახვი და ნიორი შეიცავენ. ისინი ხვდებიან სისხლში და ოფლის უსიამოვნო სუნს უწევენ პროვოცირებას. 

სატაცური არ იწვევს ოფლის უსიამოვნო სუნს, მაგრამ ნეგატიურად მოქმედებს შარდის ხარისხზე. ის ხდება მუქი და იძენს მძაფრ სუნს. 

კომბოსტო და ბროკოლი - ამ სასარგებლო ბოსტნეულში ბევრი შეუცვლელი მიკროელემენტი შედის, მათ შორისაა გოგირდიც, რომელსაც ოფლის უსიამოვნო სუნამდე მივყავართ. 

ყავის სასიამოვნო არომატი არ ნიშნავს, რომ მისი მიღებით თქვენი კანიც სასიამოვნო სურნელს შეიძენს. ყავა ხელს უწყობს ოფლის გამოყოფას, ამიტომ ნუ დალევთ მას სპორტული ან სხვა რაიმე ფიზიკური აქტივობის წინ. 

ალკოჯოლურ სასმელებს შეუძლიათ ზიანი მიაყენონ, როგორც შინაგან ორგანოებს, ასევე გარეგნობასა და სურნელსაც კი. ისინი აფუჭებენ კბილებს, თმებს და კანს, კვებავენ ორგანიზმს ტოქსინებით და ბლოკავენ მათ გამოდევნას. ამიტომაც ალკოჰოლის რეგულარულ გამოყენებას პირის ღრუსა და სხეულის არასასურველ სუნამდე მივყავართ.