დარიჩინი არაჩვეულებრივი გემოს მქონე სანელებელია, რომელიც ფართოდ გამოიყენება კულინარიაში.   მას იყენებენ ცხობისას, შესანიშნავია ხორციან კერძებთანაც, რადგან არა მხოლოდ აუმჯობესებს გემოს, არამედ ხორცს უფრო რბილსაც ხდის. თუმცა დარიჩინის გამოყენება არასტანდარტული მეთოდებითაც შეიძლება. ამ საოცარი სანელებლის შესაძლებლობა ნამდვილად გაგაოცებთ. დარიჩინის დახმარებით ოთახის არომატის გაუმჯობესებაა შესაძლებელი. ამისათვის უნდა მოხარშოთ დარიჩინი ფორთოხალთან და მოცვთან ერთად, ან გააცხელოთ ღუმელში 250 გრადუსზე. არომატი სწრაფად გავრცელდება, არა მხოლოდ სამზარეულოში, არამედ მთელ სახლში. მისი ინტენსივობა დამოკიდებულია იმაზე, თუ რამდენად დიდხანს მოხდება დარიჩინის თერმული დამუშავება. არომატულ სანთლებს ხშირ შემთხვევაში სწორედ დარიჩინის არომატი აქვთ. მსგავსი სანთლების დამზადება სახლის პირობებშიც არის შესაძლებელი. შემოუწყვეთ დარიჩინი სანთელს და დაამაგრეთ ზონარით. დარიჩინი არ იწვის, ამიტომ ასეთი დეკორაცია უსაფრთხოა, სამაგიეროთ სანთლის სითბო აცხელებს დარიჩინს და შენობას სასიამოვნო არომატით ავსებს. ოთახში ჰაერის გაწმენდის კიდევ ერთი მეთოდი ასეთია: დაყარეთ იატაკზე რამდენიმე კოვზი დარიჩინი, შემდეგ მტვერსასრუტით აწმინდეთ. მტვერსასრუტში მოხვედრის შემდეგ დარიჩინი გაცხელდება და მკვეთრ სუნს გამოსცემს. ამგვარად ჩვეულებრივი მტვერსასრუტი არომატიზატორად გადაიქცევა.

რაც არ უნდა საკვირველი იყოს დარიჩინის განუმეორებელი არომატი არ მოსწონთ მწერების უმრავლესობას, ამიტომ სანელებლის გამოყენება მათთან საბრძოლველადაც არის შესაძლებელი. დარიჩინის, როზმარინისა და ლავანდის ნაერთი თქვენს ტანსაცმელს ჩრჩილისგან დაიცავს. მოათავსეთ ნაერთი ტყავის მცირე ზომის ტომარაში, დადეთ კარადაში და ის ეფექტურად შეებრძოლება ჩრჩილს. 

სახლი, რომ მომაბეზრებელი ჭიანჭველებისგან დაიცვათ, დაყარეთ დარიჩინი იმ ადგილებზე, სადაც იცინი მოძრაობენ. ძლიერი სუნი დააფრთხობს მწერებს. თავად კოღოების წინააღმდეგ დარიჩინი არ არის ეფექტური, თუმცა მნიშვნელოვნად შეუძლია შეამსუბუქოს ამ მწერის ნაკბენისგან გამოწვეული უსიამოვნება. ამისთვის საკმარისია მოამზადოთ სამკურნალო მალამო. შეურიეთ ერთმანეთში დარიჩინი და თაფლი თანაბარი რაოდენობით და დაიდეთ ნაკბენზე. სულ მალე უსიამოვნო ქავილი უკვალოდ გაქრება. 

დარიჩინის რეგულარული გამოყენება ამცირებს ინსულტისა და ინფარქტის რისკს, ის დადებითად მოქმედებს გულის კუნთის მუშაობაზე, დაბლა სწევს ქოლესტერინის დონეს.

არტერიულ წნევას მაშინვე დასწევს დაბლა თუ მიიღებთ 1 სუფრის კოვზი თაფლისა და 1 ჩაის კოვზი დარიჩინის ნაზავს.

მკვლევარებმა დაადგინეს, რომ თაფლისა და დარიჩინის კომბინაცია ეფექტური პროფილაქტიკური საშუალებაა სიმსივნის წინააღმდეგ, მის საწყის ეტაპზეც კი.