ხელის კანის მოვლა სახლის პირობებში
24.04.2020, 22:54

როგორც ცნობილია,  ქალის ასაკს, პირველ რიგში, გასცემენ ხელები. თქვენ შეგიძლიათ გაიკეთოთ ლამაზი ფრჩხილის ლაქი, ორიგინალური სამკაულები, მაგრამ მაინც ხელების საუკეთესო გაფორმებაა გლუვი კანი. მავნე ზემოქმედების ქიმიკატებმა, საყოფაცხოვრებო  პროცედურებმა, ამინდმა შეიძლება დააზიანოს ხელის კანი.

სახის კანთან შედარებით, ხელებზე კანი შეიცავს 5-ჯერ ნაკლებ წყალს, ამიტომ,  ხშირად მშრალი და გაუწყლოებულია. ხელებზე კანი თხელია სხეულის სხვა ნაწილებთან შედარებით, აქ პრაქტიკულად არ არის ცხიმოვანი კანქვეშა შრე და მხოლოდ მცირე რაოდენობის ცხიმოვანი ჯირკვლებია. ხელისგულებზე კი ისიც არ არის. 40 წლის შემდეგ დამცავი კანქვეშა ცხიმის გამოყოფა კიდევ უფრო მცირდება, ქვეითდება კანის ელასტიკურობა და კიდევ უფრო თხელი ხდება. სიცივეს, ქარსა და ყინვას შეუძლია, გამოიწვიოს ხელის მტევნების ნაზი კანის გამოშრობა, გაუხეშება, გაღიზიანება, სიწითლე და შეშუპება. ამიტომ, საჭიროა ხელის კანის ინტენსიური კვება ვიტამინებითა და ანტიოქსიდანტებით. მხოლოდ მკვებავი კრემების წასმა საკმარისი არ არის. უნდა გამოიყენოთ აბაზანები ეთერზეთებით ან მცენარეული ზეთებით, რაც შეიცავს ამინომჟავებს და სასიკეთოდ მოქმედებს კანის მდგომარეობაზე. 

მხოლოდ კოსმეტიკური საშუალებების გამოყენება გამოსავლი არ არის. პირველ რიგში ჩვენ უნდა გადავხედოს კვების რეჟიმს, რომელიც უნდა მოიცავდეს სხვადასხვა ვიტამინებსა და მინერალებს, რომლების უზრუნველყოფს კანის კვებას. უნდა ჭამოთ საკვები, რომელიც შეიცავს  B და D ვიტამინებს, ასევე კალციუმს, რკინასა და ცილას. 
   1) ჟოჟობას ზეთი შეიცავს ამინომჟავებს და პროტეინებს, ასევე  B12 ვიტამინს, რომელსაც გააჩნია რეგენერირებისა და ანთების საწინააღმდეგო მოქმედება.
 2)  ატმის ზეთი აშორებს აქერცვლას, კანის ფერს თანაბარს ხდის.  იდეალურია თხელი კანისა და მასაჟისთვის. ზეთს გააჩნია გამაახალგაზრდავებელი, შეშუპების და ანთების საწინააღმდეგო მოქმედება. იცავს ხელს აქერცვლისგან, კანის ფერს თანაბარს ხდის.

 3) დაფქული ყავა შეურიეთ ზეთში, წაისვით ხელის მტევნების კანზე და შეიზილეთ. შემდეგ, ხელები სველი ხელსახოცით შეიფუთეთ 5-7 წუთის განმავლობაში. გაიკეთეთ მასაჟი და მოიშორეთ ზეთის ნარჩენები ხელსახოცით.  წაისვით, შესაბამისი ხელის საცხი.
 4) ნუ წაისვამთ ხელებზე სახისთვის განკუთვნილ საცხებსა და ლიფტინგებს. ხელზე კანი თხელი, ნაზი, ნაკლებცხიმოვანია და ამიტომ, უფრო ცხიმიან კოსმეტიკურ პროდუქტებს საჭიროებს.
 5) ყინვასა და სიცივეში სახლიდან გასვლამდე ერთი საათით ადრე, ხელის მტევნებზე წაისვით მკვებავი საცხი. ამ დროის განმავლობაში, კანი მოასწრებს მის შეწოვას, რაც მაქსიმალურად სასარგებლოა.
 6) ისწავლეთ ხელების სწორად დაბანა. ცივი წყალი ხელის კანს აუხეშებს, აწითლებს, იწვევს აქერცვლასა და დასკდომას, ხოლო ძალიან ცხელი წყალი კანს ცხიმს აცლის და აშრობს. ყოველთვის დაიბანეთ ხელები ოთახის ტემპერატურის წყლით.
 7) დაბანის შემდეგ, ხელები საგულდაგულოდ გაიმშრალეთ. კარგად შემშრალება აუცილებელია.
 8) სწორად შეარჩიეთ საპონი, ხელები დაიბანეთ მხოლოდ რბილი ტუალეტის საპნით. შესაძლებელია გლიცერინის საპონიც, უმჯობესია თუ თხევად საპონს გამოიყენებთ. ის შეიცავს დამატებებს, რაც ხელს უშლის კანის გამოშრობას.
 9) სარეცხ საშუალებებში შემავალი ქიმიური ნივთიერებები მავნებელია ხელის კანისთვის. მათი ზემოქმედება იწვევს ადგილობრივი იმუნიტეტის დარღვევას და კანის დაავადებებს, მათ შორის, დერმატიტსა და ეგზემას. შეიძინეთ თქვენი ხელის ზომის თხელი და გამჭვირვალე ხელთათმანი, რომელიც ამ პრობლემისგან დაგიცავთ. თუ ხელთათმანს ვერ შეეგუეთ, მაშინ საოჯახო საქმის დაწყების წინ, ხელებზე დამცავი კრემი წაისვით. ის კანს დამცავ აპკს გადააკრავს და დაიცავს მას ქიმიური შემადგენლების ზემოქმედებისგან.

 10) ხელების მასაჟი აუმჯობესებს ლიმფისა და სისხლის მიმოქცევას, ამცირებს კუნთების დაძაბულობას, აქტიურად ზემოქმედებს რეცეპტორებზე, რომლითაც მდიდარია ხელის კანი. მასაჟისთვის გამოიყენეთ ხელის კრემი. კრემი უნდა შეიზილოთ მსუბუქი მოძრაობით თითების ფრთჩხილებიდან - ზემოთ, შემდეგ კი მაჯის, იდაყვისა და მხრისკენ. ყველა თითი და სახსარი ცალ-ცალკე დაამუშავეთ. შეიზილეთ კრემი წრიული მოძრაობით.
 11)  კვირაში ერთხელ გაიკეთეთ ნიღაბი. ის ატენიანებს, არბილებს ხელის კანს და აძლიერებს დამცავ თვისებებს, ასტიმულირებს რეგენერაციის ანუ აღდგენის პროცესებს. ხელის მზა ნიღბის შემადგენლობაში შედის ვიტამინები, გლიცერინი, ცხიმები, ლანოლინი, ცვილი, თაფლი, ჟენშენი, ალოე, გვირილა და ასე შემდეგ.

 12) კვი­რა­ში ერთხელ ან ორ­ჯერ აუ­ცი­ლე­ბე­ლია ხე­ლე­ბის პი­ლინ­გის გა­კე­თე­ბა. ამით მო­ი­ცი­ლებთ მკვდარ უჯრე­დებს და ამ­დე­ნად, კრე­მი უკეთ შე­ი­წო­ვე­ბა კან­ში. 1 ჩ/კ შაქ­რის ფხვნი­ლი აუ­რი­ეთ 2 ჩ/კ მცე­ნა­რე­ულ ზეთ­ში. ნა­რე­ვი ხე­ლებ­ში იზი­ლეთ ორი წუ­თის გან­მავ­ლო­ბა­ში, შემ­დეგ თბი­ლი წყლი­თა და საპ­ნით ჩა­მო­ი­ბა­ნეთ. პი­ლინ­გის შემ­დეგ აუ­ცი­ლე­ბე­ლია რო­მე­ლი­მე კრე­მის წას­მა.

 12) შეურიეთ გლიცერინი, ლიმონის წვენი და რამოდენიმე წვეთი ვარდის წყალი ხელების დასამასაჟებლად.

 

შეგიძლიათ სახლის პირობებშიც დაამზადოთ ხელის კრემი:

 

1)  ნა­ხე­ვა­რი ჩ/ჭ არა­ჟა­ნი კარ­გად ათ­ქვი­ფეთ 2 კვერ­ცხის გულ­თან ერ­თად. და­უ­მა­ტეთ ნა­ხე­ვა­რი ლი­მო­ნის წვე­ნი და 2 ს/კ სპირ­ტი ან კო­ნი­ა­კი.

2) ასე­ვე შე­გიძ­ლი­ათ ერ­თმა­ნეთს შე­უ­რი­ოთ 50 გ გლი­ცე­რი­ნი, 50 გრა­მი ნა­ღე­ბი და რამ­დე­ნი­მე წვე­თი ლი­მო­ნის წვე­ნი.

კატეგორია: სხვადასხვა სასარგებლო რჩევები დიასახლისებისთვის | დაამატა: fisofiso35
ნანახია: 94 | რამოტვირთვები: 0 | რეიტინგი: 5.0/3
სულ კომენტარები: 0
avatar