ოქსალისი ბალახოვანი მცენარეა, რომელიც 800-მდე სახეობას აერთიანებს და გავრცელებულია, ძირითადად სამხრეთ და ცენტრალურ ამერიკაში, აფრიკასა და ცენტრალურ ევროპაში.
არსებობს ოქსალისის როგორც ერთწლოვანი, ისე მრავალწლოვანი სახეობები, რომლებიც აქტიურად გამოიყენება როგორც ღია გრუნტში დასარგავად, ისე სახლში ქოთანში გასაზრდელად. ოქსალისს ძირითადად სამ ან ოთხფოთოლაკიანი ფოთლები აქვს, რომელიც შეიძლება იყოს მწვანე, წითელი ან იასამნისფერი. ეს მცენარე ყვავილობს ყვავილების შეფერილობა კი თეთრია. 
ოქსალისს ერთი უცნაური თვისება აქვს - როცა დაღამდება ან მოიღრუბლება ფოთლები ქოლგასავით ეკეცება, ხოლო ამინდის გამოსვლისთანავე იშლება და მზეს გაშლილ ფოთლებს აგებებს.
ევროპაში ოქსალისს „ბედნიერების სამყურასაც“ ეძახიან, ზოგან - სიყვარულის ყვავილს, და არაერთ ქვეყანაში მისი ჩუქება საახალწლო ტრადიციადაა ქცეული.

ოქსალისს მეორე ნაირად მჟაუნასაც უწოდებენ. დასაოჯახებელს ეხმარება მეორე ნახევრის პოვნაში. 

როგორ მოვუაროთ სწორად:

მცენარეს კარგად განათებული ადგილი მოსწონს, თუმცა ნახევრად ჩრდილსაც მშვენივრად ეგუება.
განსაკუთრებულ ზიანს ცივ ოთახში ყოფნა და ორპირი ქარი აყენებს, ამიტომ სასურველია, ოთახში ზამთარ-ზაფხულ ზომიერი სითბო იყოს. მისთვის საუკეთესო ტემპერატურაა 20-22 გრადუსი. ზაფხულობით კარგი იქნება თუ მცენარეს სუფთა ჰაერზე გაიტანთ, ან შემოდგომამდე ღია გრუნტში გადაიტანეთ. ზოგი სახეობა ზამთარში ისვენებს, მიწის ზედა ნაწილი კვდომას იწყებს, ამან არ უნდა შეგვაშინოს. გადაიტანეთ უფრო გრილ ადგილას და გამოაზამთრეთ 12 გრადუსზე. გაზაფხულიდან ისევ გაგახარებთ თავის სილამაზით. 

მორწყვის რეჟიმი:

ოქსალისი ზომიერად უნდა მოირწყას, ისე რომ ქოთანში წყალი არ ჩაუდგეს. 
შემოდგომიდან მორწყვა ნელ-ნელა უნდა შეუმციროთ, ზამთარში კი იმდენად მცირედი წყლით უნდა მორწყათ, რომ მიწა არა სველი, არამედ ოდნავ ტენიანი იყოს. 

სასუქი:

ოქსალისი აქტიური ზრდისა და ყვავილობის პერიოდში, თვეში ერთხელ რომელიმე კომპლექსური მინერალური სასუქით გაანოყიერეთ. სასუქის რაოდენობა ინსტრუქციაში მითითებულზე ორჯერ ნაკლები უნდა იყოს.

როდის და როგორ გადავრგათ:

ოქსალისი ნიადაგის მიმართ მომთხოვნი არ არის და თავს ღარიბ ნიადაგშიც კი კარგად გრძნობს, მაგრამ თუ ნოყიერ ნიადაგში გამოზრდით, ფოთლები გაცილებით დიდი და ხასხასა ექნება.
ქოთანი აუცილებლად განიერი და დაბალი უნდა იყოს, მასში მცენარის არა ერთი, არამედ რამდენიმე ძირი უნდა გადარგათ. ქოთნის ძირზე გააკეატეთ კარგი დრენაჟი, რეადგან მცენარეს ფესვებში წყალი არ ჩაუდგეს. 

როგორი ნიადაგი სჭირდება:

ოქსალისი ნიადაგის მიმართ არ არის პრეტენზიული, მაგრამ კარგი იქნება თუ შემდეგ ნაზავში გადარგავთ: თანაბარი რაოდენობის კორდის მიწისგან, ნეშომპალასგან, ტორფისგან და ქვიშისგან მოამზადებთ. 
 

როგორ გავამრავლოთ:

მცენარეს ფესვებზე უვითარდება პატარა ბოლქვები, რომელიც შეგიზლიათ გადარგოთ სხვა ქოთანში რამოდენიმე ერთად. ზემოდან დააარეთ ცოტა მიწა და დაელოდეთ. დაახლოებით 1-2 თვეში მცენარე ყვავილებით გაგახარებთ. 

ზოგოერთ სახეობას, მაგ: ორტისის ფოთლით მრავლდება, უნდა მოჭრათ ფოთოლი თავისივე ყუნწით და წყალში დააფესვიანოთ.