კლივია არის მრავალწლიანი ბალახოვანი მცენარე, იგი ეკუთვნის ამარილისებრთა ოჯახს. ყვავილი აქვს ზანზალაკისებური ყვითელი, წითელი, ნარინჯისფერი და ლურჯი. კლივია იმით არის განსხვავებული, რომ ის ზამთარში ყვავილობს.  კლივიას ფოთლები მსხვილია და მასში ინახება წყალი და საკვები. ყურადღება მიაქციეთ ფოთოლი არ მოტყდეს, რადგან მოტეხილი ადგილი ადვილად ლპება. 

როგორ მოვუაროთ სწორად:

კლივია სინათლის მოყვარული მცენარეა, ის უნდა მოათავსოთ განათებულ ადგილას. პირდაპირი მზის სხივი არ უნდა ხვდებოდეს. უნდა მოირწყას მაშინ, როცა მიწა ნახევრად გაშრება, ეცადეთ მორწყვისას ფოთლებზე არ მოხვდეს წყალი. თუ სათანადო პირობებს არ შეუქმნით შემდეგ წელს არ იყვავილებს. მცენარე მუდმივად ყურადღების ცენტრში უნდა გყავდეთ. კარგია თუ გრილად დაახლოებით 10-12 გრადუსზე გამოაზამთრებთ. შემოდგომიდან მორწყვა შეუმცირეთ, ზამთარში კი საერთოდ არ მორწყათ, თუ შეატყობთ რომ მოიწყინა ან ფოთოლი სცვივა, მორწყეთ მსუბუქად. როცა საყვავილე ღეროს წამოიღებს მორწყვა უნდა მოუმატოთ და ტემპერატურა ოდნავ გაზარდოთ. ასევე უნდა მიაშველოთ სასუქიც ორ კვირაში ერთხელ.

ნიადაგი:

კლივიას სჭირდება ფხვიერი ნიადაგი, უნდა შედგებოდეს ტყის მიწა + ტორფი + ნეშომპალა, კარგია თუ სიმჟავიანოვის ასამაღლებლად რამოდენიმე ნაძვის ქერქს დაუმატებთ. 

როდის და როგორ გადავრგათ:

კლივია ცუდად რეაგირებს გადარგვაზე, არ უყვარს როცა ზედმეტად ეხებიან. მხოლოდ აუცილებლობის შემთხვევაში უნდა გადარგოთ. გადარგვისას ეცადეთ თავისივე მიწით გადაიტანოთ, თუ შვილიკოები ყავს ფრთხილად მოარიდეთ და ცალკე ქოთანში გადარგეთ. პატარა მცენარეს მინიმუმ ოთხი ფოთოლი უნდა ჰქონდეს. ახალი მცენარე ჩარგეთ ქვიშაში, როცა კარგად გაეზრდება ფესვები, შემდეგ გადაიტანეთ შესაფერის მიწაში.