ჰოია ულამაზესი ოთახის მცენარე (hoya)
31.10.2018, 18:04

ჰოია გავრცელებულია ინდოეთში, ჩინეთში და ავსტრალიის ტროპიკულ ნაწილში და მოიცავს დაახლოებით 200 სახეობას. ჰოია ულამაზესი, ვარსკვლავისებური ფორმისა და არომატული ყვავილებით გამორჩეული ხვიარა მცენარეა, რომელიც ოთახის პირობებში საკმაოდ მარტივად ხარობს და შეგიძლიათ, როგორც საკიდ კალათაში, ისე ჩვეულებრივ ქოთანში გამოზარდოთ.

არსებობს ჰოიას ეგზოტიკური სახეობებიც, მაგალითად: ჰოია კერრი (ლათ. Hoya Kerri) - გულის ფორმის ორიგინალური ფოთლებით, ჰოია რეტუსა (ლათ. Hoya Retusa) - ნაზი მილისებური ფოთლებით, ჰოია მულტიფლორა (ლათ. Hoya multiflora ) რომელსაც ყვავილის ფურცლები უკან აქვს გადახრილი და ჰოია ონიხოიდესი (ლათ. Hoya onychoides) , რომელსაც ყვავილის ფურცლები მოხრილი ფრჩხილებივით აქვს ამობურცული. 

 

როგორ მოვუაროთ სწორად:

ეცადეთ, ჰოია მკვეთრ და გაფანტულ შუქზე გედგათ და ადგილი არ შეუცვალოთ, რადგან მცენარე განათების ცვლილებაზე ცუდად რეაგირებს და შესაძლოა, საყვავილე კვირტები და ფოთლებიც კი დასცვივდეს. მას მოსწონს აღმოსავლეთ ან დასავლეთის ფანჯარა. თუ ახალი ნაყიდი გაქვთ ნელ-ნელა შეაჩვიეთ მზეს. 

 

 

მორწყვის რეჟიმი:

ჰოია გაზაფხულ-ზაფხულში უხვად მორწყეთ, ისე რომ მიწის ზედა ფენა გამოუშრეს. შემოდგომიდან მორწყვა შედარებით გააიშვიათეთ მიწის გაშრობიდან 2 დღის მერე მორწყეთ.ხოლო ზამთრის დადგომასთან ერთად (ამ დროს მცენარეს მოსვენების პერიოდი ეწყება) სრულებით შეწყვიტეთ, ან თვეში 1-ჯერ მორწყეთ.

ჰოიას სუფთა ჰაერი უყვარს და ამიტომ ფანჯარა ხშირად უნდა გაუხსნათ. მცენარეს უყვარს შხაპიც, თვეში ერთხელ შეგიძლიათ თბილი შხაპი მოუწყოთ. 

 

სასუქი:

მთელი ვეგეტაციის პერიოდში (მარტის დასაწყისიდან ზაფხულის ბოლომდე), ჰოია თვეში 2-ჯერ, რომელიმე კომპლექსური სასუქით გაანოყიერეთ. ზამთარში მცენარე განოყიერებას არ საჭიროებს.

 

როდის და როგორ გადავრგათ:

ჰოია როდესაც ქოთანს გაავსებს ფესვებით მხოლოდ მაშინ უნდა გადავრგათ ოდნავ დიდ ქოთანში. მიწის მიმართ არ არის პრეტენზიული, ოღონდ მსუბუქი ნიადაგი იყოს

 

 

როგორ გავამრავლოთ:

გამრავლება ხდება ტოტით, რომელსაც ექნება მინიმუმ 3 ფოთოლი. ჩარგეთ ტორფისა და ქვიშის ნაზავში. ასეთი წესით სამ კვირაში დაფესვიანდება, ამის შემდეგ შეგიძლიათ ქოთანში გადარგათ. 

კატეგორია: მოყვავილე მცენარეები | დაამატა: fisofiso35
ნანახია: 534 | რამოტვირთვები: 0 | რეიტინგი: 5.0/2
სულ კომენტარები: 0
avatar