ჰიპეასტრუმი
23.10.2018, 12:08

hipeastrum-ის სურათის შედეგიჰიპეასტრუმი ლათინური სიტყვაა და მიეკუთვნება ამარილისებთა ოჯახს. არსებობს ამ მცენარის 90-მდე სახეობა. სახელწოდება ამარილისი ბერძნული სიტყვაა და ქართულად ნიშნავს ,,მხედარს" და ,,ვარსკვლავს". ხშირად ერთმანეთში ერევათ ჰიპეასტრუმი და ამარილისი. ეს ორი მცენარე მართალია ძალიან ჰგავს ერთმანეთს, მაგრამ სხვადასხვა მცენარეა. 

ჰიპეასტრუმი მრავალწლიანი ბოლქვოვანი მცენარეა. ბოლქვის ზომა სახეობიდან გამომდინარე მერყეობს 5-10 სანტიმეტრი დიამეტრში. ჰიპეასტრუმის ფოთლები სწორია, სიგრძით 60-70 სანტიმეტრი, სიგანით 4-5 სანტიმეტრი, რომლებიც hipeastrum-ის სურათის შედეგიგანლაგებულია საპირისპირო რიგად. ფოთლის შეფერილობა ძირითადად მწვანეა. ჰიპეასტრუმის აყვავების პერიოდი მოვლის პირობებზეა დამოკიდებული. თითოეული აყვავებული ყვავილი ყვავის ათი დღის განმავლობაში.

 

ჩარგვა სახლის პირობებში: 

ჰიპეასტრუმი უნდა ჩაირგოს ბოლქვზე ოდნავ დიდ ქოთანში.  ბოლქვი ქოთანში ისე უნდა ჩაირგას, რომ მიწამ ნახევრად დაფაროს. სანამ ბოლქვს ჩარგავთ უნდა ჩაყაროთ ცოტა დრენაჟი, შემდეგ ცოტა მიწა და შემდეგ ბოლქვი ჩადეთ ქოთნის შუაში და დააყარეთ მიწა, რომელსაც წინასწარ მოამზადებთ: ფოთლოვანი ტყის მიწა+ცოტა ქვიშა. 

 

დარგული მცენარე ფრთხილად მორწყეთ,ისე რომ ბოლქვს არ მოხვდეს წყალი, მორწყეთ მხოლოდ მიწა. წყალი ძირიდან რომ გამოუვა, შემდეგ დადგით მყუდრო ადგილას და სანამ კვირტი არ ამოვა აღარ მორწყათ.

როცა კვირტი ამოიზრდება დაახლოებით 10 სმ-ზე გადადგით ფანჯრის რაფაზე და დაიწყეთ მორწყვა. ეცადეთ მზის პირდაპირი სხივები არ ხვდებოდეს მცენარეს. ზაფხულში შეგვიძლია მცენარის გარეთ გატანაც. მისთვის ოპტიმალური ტემპერატურაა 18-26 გრადუსი. 

 

ბოლქვის დარგვიდან დაახლოებით თვე-თვენახევარში იწყებს ყვავილობას. ამ პერიოდში სასუქიც უნდა მივაშველოთ. მას შემდეგ რაც მცენარე აყვავდება უნდა მივაწოდოთ ფოსფორ-კალიუმიანი სასუქი ათ დღეში ერთხელ. ასევე კარგია ნაკელიანი წყლით მორწყვა 10 დღეში ერთხელ. როცა ყვავილობას მორჩება შემდეგ გამოაქვს ფოთლები.ჰიპეასტრუმი-ის სურათის შედეგი ოქტომბერში უკვე ფოთლები იწყებს ჩამოცვენას და მცენარე გადადის მოსვენების პერიოდში. ამ პერიოდიდან უნდა შევწყვიტოთ მცენარის მორწყვა და კვება. უნდა დავასვენოთ ორი თვე და შემდეგ გადაგვაქვს ახალ ქოთანში და იგივენაირად ვუვლით. 

 

 

კატეგორია: მოყვავილე მცენარეები | დაამატა: fisofiso35
ნანახია: 1748 | რამოტვირთვები: 0 | რეიტინგი: 4.5/4
სულ კომენტარები: 0
avatar