სანსევიერა ერთ-ერთი ყველაზე უპრეტენზიო და ადვილად მოსავლელი მარადმწვანე მცენარეა, რომელიც გავრცელებულია აფრიკისა და სამხრეთ აზიის ტროპიკების მშრალ ადგილებში. მიუხედავად იმისა, რომ ბუნებაში მცენარის 60-მდე სახეობა არსებობს, საოთახო მემცენარეობაში მხოლოდ მისი მცირე ნაწილია გავრცელებული. სანსევიერას სახეობები ერთმანეთისგან ფორმით, სიმაღლით და შეფერილობით განსხავავდებიან. ახალგაზრდა მცენარე როზეტის ფორმით იზრდება, ანუ მისი ფოთლები ერთი წერტილიდან სპირალურად ამოდის, მოზრდილ მცენარეს კი ეს ცენტრი თითქმის შეუმჩნეველი უზდება. ფოთლების შეფერილობა შესაძლოა იყოს ღია ან მუქ მწვანე ტონებში და კრემისფერი ან მოყვითალი ზოლები დაჰყვებოდეს. რაც შეეხება ფოთლების სიგრძეს - არსებობს შედარებით მოკლეფოთლიანი სახეობები და სახეობები - მაღალი და სწორად ამართული, ხანჯლისებური ფოთლებით. სანსივიერას ყვავილედი კი წვრილ და მაღალ საყვავილე ღეროზე გაფანტულ მომწვანო ან თეთრ ვარსკვლავისებრ, უსახურ და სუსტად სასიამოვნო სურნელის ყვავილებს წარმოადგენს. როგორც წესი, ერთ როზეტზე მხოლოდ ერთი საყვავილე ღერო ვითარდება, გადაყვავილების შემდეგ კი ღერო ხმება, როზეტი ზრდას წყვეტს და ახალი ფოთლები აღარ ამოსდის. არსებობს სხვადასხვა შეფერილობის და სხვადასხვა სიმაღლის. მისი სამშობლოა ქვიშიანი ქვეყნები. მცენარე განთქმულია თავისი სილამაზით, ძალიან უხდება ოთახის ინტერიერს და ადვილი მოსავლელია. სანსივიერა კარგად უძლებს ჩრდილიან ადგილს, კარგად იტანს მიწის სიმშრალეს, შეგიძლიათ იშვიათად მორწყათ. მცენარეს ძირითადად კალიდორში ათავსებენ, რადგან უარყოფით აურას იზიდავს და კარგად ასუფთავებს ჰაერს. მცენარეს არ მოსწონს ადგილის ხშირ

ი შეცვლა.

როგორ მოვუაროთ სწორად:

სანსივიერა კარგად გრძნობს თავს, როგორც განათებულ ადგილას, ისე ჩრდილშიც. მხოლოდ ნაკლებად განათებულ ადგილას ნელა იზრდება და შეფერილობაც უფრო მკვეთრი აქვს. ხშირად შეგხვდებათ ეს მცენარე კალიდორშიც, რომელიც დიდი რაოდენობით ისრუტავს უარყოფით ენერგიას. ამ მცენარეს დედამთილის ენასაც უძახიან. ყველანაირ ტემპერატურას კარგად ეგუება, მაგრამ არ უნდა ჩამოვიდეს 10 გრადუსზე დაბლა. ასევე შეგიძლიათ მოათავსოთ საძინებელში, რადგან მცენარე ღამით გამოყოფს დიდი რაოდენობით ჟანგბადს. მცენარე პერიოდულად სველი ჩვრით გაწმინდეთ, რათა კარგად ისუნთქოს. თუ დიდ ქოთანში გაქვთ არ გაიზრდება, ფესვი როცა ფსკერზე ეხება, მერე იწყებს გაზრდას და ახალი ძირების წამოღებას.

მორწყვის რეჟიმი:

სანსივიერიას არ უყვარს ზედმეტი წყალი. მცენარე მორწყეთ მაშინ, როცა მიწა კარგად გაუშრება. თუ დაგავიწყდათ მორწყვა დიდი ხნით არ შეგეშინდეთ არაფერი მოუვა. შეუძლია ორი კვირაც კი გაძლოს უწყლოდ. ზამთარში თუ გრილ ოთახში დგას თვეში ერთხელ საკმარისია, ისიც მცირე რაოდენობით. 

როდის და როგორ გადავრგათ:

  მცენარე უნდა გადაირგას მაშინ, როცა ფესვები ქვემოდან გამოჩნდება. ქოთანი უნდა იყოს თიხის, რადგან ძლიერმა ფესვებმა არ გახეთქოს ქოთანი. სასურველია დაბალი და განიერი ქოთანი. ნიადაგი უნდა იყოს ფხვიერი, რათა ფესვებში წყალი არ ჩაუდგეს, ამიტომ ნიადაგს უნდა დაუმატოთ ცოტა ქვიშა და წვრილი კენჭები.

სასუქი:

გაზაფხულიდან დაწყებული ზაფხულის ბოლომდე მცენარეს სჭირდება კვება თვეში ერთხელ, ნებისმიერი მინერალური სასუქით. სასუქი უნდა იყოს სუსტი ( ნორმაზე 2-ჯერ სუსტი). ხოლო ჭრელზოლიანის სასუქი 3-ჯერ უნდა შეამციროთ, თორემ სიჭარბის გამო ფოთლები შეიძლება გაუმწვანდეს.

როგორ გავამრავლოთ:

სანსივიერია მრავლდება სხადასხვა გზით: ძირის დაყოფით, ამონაყრით და ფოთლით. ძირის დაყოფა უნდა მოხდეს გაზაფხულზე გადარგვის დროს. ფრთხილად უნდა დაცალკევდეს ძირები ერთმანეთისგად და ჩაირგოს ცალ-ცალკე. 

ფოთლით გამრავლებისას ფოთოლი უნდა დაჭრათ 5 სმ სიგრძისებად, დადეთ რამოდენიმე საათი, რომ გამოშრეს და შემდეგ ჩარგეთ მსუბუქ ნიადაგში ოდნავ დახრილად. უნდა დასათბურდეს და პერიოდულად განიავდეს და დაინამოს ისე, რომ მცენარეს არ მოხვდეს წყალი. ოღონდ გაითვალისწინეთ, რომ ყველა შემთხვევაში შვილები ამოვა მწვანე ფერის.