ნოლინა ბოთლისმაგვარი მცენარეა, მას განიერი ძირი უვითარდება, სადაც წყალი გროვდება. ნოლინას სამშობლოა ამერიკა და მექსიკა. ხალხში მას ცხენის კუდსაც ეძახიან. ბუნებაში ნოლინა ქვიან ადგილებზე იზრდება. 

როგორ მოვუაროთ სწორად:

ნოლინა სახლის პირობებში ადვილად იზრდება, უყვარს ნახევრად განათებული ადგილი. მზის სხივები არ უნდა მოხვდეს. უნდა მოირწყას უხვად და იშვიათად, ქოთანი ჩადგით წყლიან ჭურჭელში როცა მიწა ბოლომდე დასველდება ამიღეთ ქოთანი, რათა დაიწკრიტოს ზედმეტი წყლისგან. მორწყვა მაშინ უნდა, როცა მიწა ბოლომდე გაშრება. ზამთარში თუ გრილად გამოაზამთრებთ საერთოდ არ მორწყათ. უყვარს ზომიერი ტემპერატურა, ზამთარში კი 10 გრადუსზე დაბლა არ უნდა ჩამოვიდეს ტემპერატურა. სასურველია გრილად გამოაზამთროთ, რათა მოსვენების პროცესში გადავიდეს და გაზაფხულისთვის ძალები მოიკრიბოს. 

სასუქი:

სასუქის მიმართ არ არის მომთხოვნი, უნდა მივცეთ კომპლექსური სასუქები თვეში ერთხელ. ზამთარში არ არის მიზანშეწონილი სასუქის მიცემა. 

როდის და როგორ გადავრგათ:

გადასარგავად კარგი პერიოდია გაზაფხული. ახალი ქოთანი უნდა იყოს დაბალი და განიერი, რადგან ზედაპირული ფესვები აქვს. ქოთნის ძირში უნდა გაუკეთოთ კარგი დრენაჟი და გადაიყვანოთ მცენარე. ნიადაგი უნდა იყოს ძალიან ფხვიერი, სასურველია შემდეგი ნაზავი: ტყის მიწა + ქვიშა + წვრილი კენჭები. მცენარე არ უნდა ჩაირგას ღრმად. 

როგორ მრავლდება:

მრავლდება ტოტით და დათესვით. დათესვა რთული პროცესია, თანაც სახლის პირობებში თითქმის არ ყვავის.

კამით გასამრავლებლად მოაჭერით გვერდითა ტოტი და ჩარგეთ ტორფნარევ ქვიშაში, კარგია ცოტა პერლიტის არევაც. უნდა დასათბურდეს და პერიოდულად გაანიავოთ. დასაფესვიანებლას სჭირდება დაახლოებით 25 გრადუსი, ეცადეთ ეს ტემპერატურა შეინარჩუნოთ. როცა ახალი ფოთლები წამოუვა აღარ დააფაროთ და ჩვეულებრივი წესით მოუარეთ.