კალადიუმი (kaladium)
12.02.2019, 12:03

კალადიუმი მრავალწლიანი ბუჩქოვანი მცენარეა, ზოგჯერ მას სპილოს ყურსაც ეძახიან. დაკავშირებული სურათინიუკასებრთა ოჯახის წარმომადგენელი მცენარეა, რომელიც 15-მდე სახეობას აერთიანებს და გავრცელებულია, ძირითადად, ბრაზილიაში, მდინარე ამაზონის გასწვრივ, სამხრეთ ამერიკაში, ინდოეთში და ტროპიკულ ქვენებში. ბუნებრივ პირობებში კალადიუმი სიმაღლით 5 მ-საც კი აღწევს, თუმცა თანამედროვე საოთახო მემცენარეობაში გავრცელებულია მცენარის ჰიბრიდული ჯიშები, რომლებიც კალადიუმის რამდენიმე სახეობის შეჯვარებითაა მიღებული. ეს მცენარე ევროპაში გვხვდება მეთვრამეტე საუკუნიდან. 

კალადიუმის მთელი დეკორატიულობა გულის ფორმის, სხვადასხვა ფერის ლაქებით აჭრელებულ ფოთლებშია, რომლებიც შეიძლება იყოს: თეთრ-მწვანე, ვერცხლისფერი, ვარდისფერი, ყვითელი, იასამნისფერი, მომწვანო, წითელი და სხვა სხვადასხვა ფორმის ხაზებით. კალადიუმის ფოთლებში, ლურჯისა და ცისფერის გარდა, აბსოლუტურად ყველა ფერს შეხვდებით. რაც შეეხება კალადიუმის ყვავილებს, ფოთლებთან შედარებით უსახური და წვრილია, აქვს ბუტკოს ფორმა და მომწვანო-მოთეთრო გარსითაა დაფარული.
სამწუხაროდ, კალადიუმი თავისი სილამაზით ყოველთვის არ გვანებივრებს, მცენარე ზამთარში საკმაოდ ხანგრძლივი დროით ისვენებს, ამ დროს ფოთლები უჭკნება, სცვივა და მომდევნო გაზაფხულამდე აღარ ამოსდის. მოსვენების პერიოდიდან მის „გამოსაფხიზლებლად“ კი დიდი ძალისხმევაა საჭირო. 
აქედან გამომდინარე, კალადიუმი საკმაოდ პრეტენზიულ ოთახის მცენარედ მიიჩნევა და მოვლის წესების ზედმიწევნით ცოდნას საჭიროებს. კალადიუმი შეგიძლიათ იყოლიოთ როგორც ეზოში, ასევე ქოთანში. ორივე პირობებში ერთნაირი მოვლა სჭირდება.
დაკავშირებული სურათი

 

 

 

კალადიუმის მოვლა სახლის პირობებში:

გაზაფხულიდან, როცა მცენარე ზრდას იწყებს მიწა მუდმივად ნესტიანი უნდა ჰქონდეს, ოღონდ არა სველი, რათა ფესვები არ დაულპეს. მისი დიდი ფოთლები ბევრ წყალს ისრუტავს და ნიადაგიც მალე შრება. ოქტომბრიდან, როცა მცენარე ფოთლების ხმობას დაიწყებს მორწყვა უნდა შემცირდეს. ზამთარში თითქმის არ უნდა მოირწყას. მცენარე თუ სახლში გყავთ მხოლოდ მიწის ზედაპირი უნდა დაუნამოთ. შეგიძლიათ, კალადიუმის ბოლქვი მოსვენების პერიოდში ქოთანში დატოვოთ ან ამოიღოთ და ოთახის ტემპერატურაზე, მშრალ ქვიშაში შეინახოთ.
თებერვლის დასაწყისში ბოლქვი მიწიდან უნდა ამოიღოთ, ძველი ფესვებისგან გაასუფთავოთ და ახალ სუბსტრატში ჩარგოთ.
ახალი ღეროების ამოზრდისთანავე მცენარის მორწყვა განაახლეთ, თავიდან იშვიათად მორწყეთ, შემდეგ კი ნელ-ნელა მოუმატოთ.

კალადიუმისთვის ჰაერის მაღალი ტენიანობა სასიცოცხლოდ მნიშვნელოვანია, ამიტომ ფოთლები რეგულარულად გაუწმინდეთ სველი ჩვრით. წყალი კი არა უშუალოდ მცენარეზე, არამედ მის გარშემო მოასხურეთ, რადგან ფოთლებზე წყლის მოხვედრა მასზე ლაქების გაჩენას დაკავშირებული სურათიგამოიწვევს. ტენიანობის კიდევ უფრო ასამაღლებლად, ქოთნის სადგამზე სველი ქვიშა ან კერამზიტი მოაყარეთ. მცენარე უპირატესობას ანიჭებს ჩრდილიან ადგილს, მზეზე ფოთლები ეწვება, თუმცა არც ძალიან ბნელ ადგილას უნდა იყოს, არასაკმარისი განათებისას ფოთლები გაუფერულდება.  კალადიუმი შხამიანი მცენარეა და მასთან მუშაობისას სიფრთხილე უნდა გამოიჩინოთ, კანზე მოხვედრისას შეიძლება გამოიწვიოს გაღიზიანება. მცენარე ორპირ ქარსა და ტემპერატურის მკვეთრ ცვალებადობასაც მოარიდეთ.

კალადიუმი სითბოს მოყვარული მცენარეა. ჰაერის ოპტიმალური ტემპერატურა ზამთარ-ზაფხულ 20-250C-ია, ხოლო მოსვენების პერიოდში (როცა კალადიუმს ფოთლები დასცვივდება) ტემპერატურა 200C-ს არ უნდა ჩამოსცდეს. 
 

 

რომელი სასუქი მივცეთ:kaladium-ის სურათის შედეგი

მას შემდეგ, რაც კალადიუმი ზრდას დაასრულებს, კვირაში ერთხელ: აზოტის, ფოსფორისა და კალიუმის შემცველი რომელიმე თხევადი მინერალური სასუქით გაანოყიერეთ. აგვისტოს დასაწყისიდან სასუქის მიცემა შეუწყვიტეთ რადგან მოსვენების პერიოდში გადადის.

 

 

როდის და როგორ გადავრგოთ:

კალადიუმი ყოველ წელს, მოსვენების პერიოდის დასრულებისთანავე უნდა გადაირგას, სასურველია ეს მოხდეს მარტში. ამისთვის საკმარისია, ბოლქვი ძველი ქოთნიდან დიდი ზომის ქოთანში გადაიტანოთ, ქოთნის ფსკერზე კი მსხვილი კენჭებისგან ან აგურის ნატეხებისგან კარგი დრენაჟიც მოაწყოთ. თუ დიდი ფესურა აქვს უნდა დაიშალოს და პატარა ბოლქვები ცალკე ქოთანში ჩარგათ. ერთ ქოთანში საკმარისია ორი ბოლქვიც ჩარგვა. ჩარგული ბოლქვები უხვად არ უნდა მოირწყას, საკმარისია მიწის ზედა ფენის დანამვა.kaladium-ის სურათის შედეგი
რაც შეეხება ნიადაგს, ის მსუბუქი და ფხვიერი უნდა იყოს, ისე რომ ჰაერსა და წყალს კარგად ატარებდეს. კარგი იქნება შემდეგი ნარევი: ფოთლოვან მიწას + გადამწვარი ნაკელი + ტორფი და ქვიშა. áƒ“აკავშირებული სურათი

 

 

კალადიუმის გამრავლება:

კალადიუმი მარტივად მრავლდება პატარა „შვილეული“ ბოლქვებითა და „დედა ბოლქვის“ დაყოფით.
ბოლქვის დაყოფისთვის საჭიროა: ბოლქვი დანით ფრთხილად გაჭრათ ისე, რომ თითოეულ დანაყოფზე საზრდელი ყლორტი იყოს, განაყოფის ადგილზე ხის ნახშირი წაუსვით, შემდეგ კარგად გააშრეთ და ტორფისა და ქვიშის ნაზავში მოათავსეთ.

 

დაავადებები:

კალადიუმი შესაძლოა, ობობის ტკიპით დაავადდეს. ეს მავნებელი, ძირითადად, მცენარის ბოლქვებსა და ფესვებს უჩნდება. ამის თავიდან ასაცილებლად საჭიროა, გადარგვის წინ კალადიუმის ბოლქვი ფუნგაციდის ფხვნილით დაამუშაოთ. იმ შემთხვევაში, თუ მავნებლები ფოთლებზეც შენიშნეთ, აუცილებელია, მცენარე მთლიანად შეიწამლოს.დაკავშირებული სურათი

 

 

კატეგორია: ჩრდილის მოყვარული მცენარეები | დაამატა: fisofiso35
ნანახია: 1524 | რამოტვირთვები: 0 | რეიტინგი: 5.0/2
სულ კომენტარები: 0
avatar