ტორენია (Torenia)
03.06.2019, 12:28

ტორენია ფართოდ გავრცელებული ყვავილ-დეკორატიული მცენარეა, რომელიც შეგვიძლია, გამოვიყენოთ როგორც საოთახო მემცენარეობაში, ისე აივნებისა და ეზოების გასალამაზებლად და სხვა ყვავილოვან მცენარეებთან ერთად, ულამაზესი კომპოზიციების შესაქმნელად. torenia-ის სურათის შედეგი

ტორენია ლინდერნიასებრთა ოჯახის წარმომადგენელი ერთი და მრავალწლოვანი ბალახოვანი მცენარეა, რომელიც 50-მდე სახეობას აერთიანებს. ის ძირითადად ტროპიკულ აფრიკასა და სამხრეთ-აღმოსავლეთ აზიაშია გავრცელებული. მემცენარეობაში ყველაზე გავრცელებულია ტორენია ფურნიერი, რომელიც შეგიძლიათ, გამოზარდოთ როგორც ოთახის პირობებში, ისე აივნებსა და ეზოებში, მხოლოდ ერთწლოვანი მცენარის სახით.
ტორენია 15-30 სმანტიმეტრის ხშირ და კომპაქტურ ბუჩქს წარმოადგენს, რომელიც ღია მწვანე, კვერცხისებრი ფორმის ფოთლებითაა დაფარული. მილისებრი ყვავილები ყუნწთან ყვითელი ფერისაა, ხოლო დანარჩენი ნაწილის შეფერილობა დამოკიდებულია კონკრეტულ სახეობაზე და შეიძლება იყოს: თეთრი, ვარდისფერი, ცისფერი, იისფერი, წითელი და სხვა ფერები. დღეისათვის გამოყვანილია უამრავი ჰიბრიდული ჯიში. 
დაკავშირებული სურათი
ტორენია უხვად და ხანგრძლივად ყვავის, მთელი ზაფხულის განმავლობაში (ივნისიდან აგვისტოს ბოლომდე), თუმცა ოთახის პირობებში (თუ შესაბამის პირობებს შეუქმნით) შესაძლოა, წელიწადის ნებისმიერ დროს აყვავდეს.

ძალიან ლამაზად იზრდება დაკიდებულ ქოთნებშიც. 

 

ტორენიას მოვლა:

   ტორენიას გახარებას თუ სახლის პირობებში აპირებთ, გაითვალისწინეთ რომ კარგად განათებულ ადგილას უნდა მოათავსოთ, მაგრამ შუადღის მწველი მზე ვნებს და დღის ამ მონაკვეთში მცენარეს თხელი ფარდით მოუჩრდილეთ.
შემოდგომასა და ზამთარში კარგი იქნება ხელოვნური განათებაც მოუწყოთ, 
ასე მცენარე უფრო ხშირი გაიზრდება და გაცილებით უხვადაც იყვავილებს. 
დაკავშირებული სურათი

გაზაფხულსა და ზაფხულში ოთახის ტემპერატურა 20-25 გრადუსს უნდა აღწევდეს, ზამთარში კი 15 გრადუსს ქვემოთ არ უნდა ჩამოსცდეს. გაითვალისწინეთ რომ ეს მცენარე გარე პირობებსაც კარგად ეგუება, ამიტომ კარგი იქნება რაც შეიძლება გრილად გამოაზამთროთ, გამათბობელ საშუალებებისგან რაც შეიძლება შორს გყავდეთ.

 

               ჰაერის ტენიანობა და მორწყვა: 
ზაფხულობით ტორენია ხშირად და უხვად უნდა მორწყათ კვირაში 2-3-ჯერ მაინც, მხოლოდ ეცადეთ, რომ ფესვებში წყალი არ ჩაუდგეს. შემოდგომიდან მორწყვა შედარებით გააიშვიათეთ და მცენარე მხოლოდ ნიადაგის გამოშრობის შემდეგ მორწყეთ.  ტორენია რადგან ტენის მოყვარული მცენარეა, ამიტომ კარგი იქნება, ზაფხულის ცხელ დღეებში, დროდადრო ფოთლებზე ოთახის ტემპერატურის წყალს თუ შეასხურებთ, მხოლოდ არა მზეში. 

torenia-ის სურათის შედეგი

სასუქი:

აქტიური ზრდის პერიოდში, ანუ გაზაფხულიდან სანამ აყვავებას დაიწყებს უნდა მიაწოდოთ სასუქი. კარგია ტორენია ყვავილოვანი მცენარეებისთვის განკუთვნილი რომელიმე კომპლექსური სასუქით გაანოყიეროთ თვეში ორჯერ. ეს ხელს შეუწყობს მის უხვ და ხანგრძლივ ყვავილობას. 

 

ნიადაგი და გადარგვა:

თუ ტორფში დათესილ მცენარეს შევიძენთ ის უნდა გადავიყვანოთ აუცილებლად ოდნავ მოზრდილ ქოთანში, მხოლოდ ტორფი არ უნდა დაკავშირებული სურათიშემოაცალოთ. გადაიყვანეთ თავისივე ტორფით და შემოაყარეთ შემდეგი ნარევი: ფოთლოვანი მიწა + ქვიშა + გადამწვარი ნაკელი. ქოთნის ძირში აუცილებლად გაუკეთეთ კარგი დრენაჟი. 

 

 

როგორ მრავლდება:

ტორენიას ძირითადად, თესლით ამრავლებენ. 

თესლს თებერვალში ან მარტის დასაწყისში თესავენ, ნათესს ზემოდან გამჭვირვალე პარკს ან შუშას აფარებენ და სითბოში (22-24 გრადუსზე) ათავსებენ. ნათესიდან ყლორტები მალე დაახლოებით 1-2 კვირაში ამოიწვერება, მაგრამ დაელოდეთ, მიწიდან 2-3 ფოთოლი მაინც გამოჩნდეს და მცენარე ახალ ქოთანში მხოლოდ ამის შემდეგ გადარგეთ. torenia-ის სურათის შედეგი
იმისთვის, რომ მცენარე ხშირი ბუჩქის სახით გაიზარდოს, კარგი იქნება, თუ ერთ ქოთანში, ერთმანეთისგან 10 სმ-ის დაშორებით, რამდენიმე ნათესს მოათავსებთ.
 

ასევე კალმითაც შეგიძლიათ ტორენიას გამრავლება, ქვემოთ ვიდეოში ნაჩვენებია თუ როგორ უნდა გავამრავლოთ კალმებით.

 

 



 

კატეგორია: მოყვავილე მცენარეები | დაამატა: fisofiso35
ნანახია: 3214 | რამოტვირთვები: 0 | რეიტინგი: 5.0/4
სულ კომენტარები: 0
avatar