ჰორტენზია (hortenzia)
01.11.2018, 11:48

ჰორტენზია ბუჩქოვანი მცენარეა. ის თავისი სხვადასხვა ფერების არაჩვეულებრივი შეფერილობებით აუცილებლად გაალამაზებს ნებისმიერ ეზოს თუ სახლს.
 ჰორტენზია არსებობს ვერსია, რომ ეს სახელი ყვავილს ფრანგი არისტოკრატის, შარლ ანრის დის პატივსაცემად დაარქვეს, რომელსაც ჰორტენზია ერქვა. ეს ვერსია არ არის მოკლებული ობიექტურობას, რადგან ყვავილი ჰორტენზია, რომელიც თავდაპირველად იაპონიაში მოჰყავდათ, ევროპაში სწორედ საფრანგეთიდან მოხვდა.

სხვათა შორის, იაპონიაში ჰორტენზიას აჯისაის უწოდებენ, რაც თარგმანში მზის იასამნისფერ ყვავილს ნიშნავს. ყვავილს Hydrange-საც უწოდოებენ, რაც ძველბერძნულად წყლით სავსე ჭურჭელს ნიშნავს. ეს სახელწოდება ჰორტენზიას შემთხვევით არ მიუღია, მას ძალიან უყვარს ბევრი წყალი. 

 

დღესდღეობით ამ მცენარის 80-მდე სახეობა არსებობს, თუმცა განსაკუთრებული პოპულარობით 4 სახეობა გამოირჩევა. ყველაზე ხშირად ფართოფოთლებიან ჰორტენზიას ვხვდებით. ეს კონკრეტული სახეობა არსებობს თეთრი ან ვარდისფერი ფერის. თუ თქვენ სხვა ფერის მცენარე გსურთ, მაგალითად იასამნისფერი, ყვითელი, იისფერი, მაშინ ნიადაგს მჟავიანობა უნდა შეუცვალოთ.

 

ჰორტენზიამ რომ კარგად იყვავილოს ჩრდილში უნდა დარგათ, აქ ნიადაგი შედარებით ნელა შრება. გრუნტი უნდა ჰქონდეს მჟავე ან მსუბუქად მჟავე. ძალიან უხდება კომპლექსური სასუქი. ყვავილი ივლისში იწყებს აყვავებას და ზამთრამდე არის, ოღონდ ფერს იცვლის და მწვანე ფერის არის.
თუ თქვენ ჰორტენზიების ბაღის გაშენებას აპირებთ, მაშინ ბუჩქები ერთმანეთისგან 1,5 - 2 მეტრის მოშორებით უნდა დარგათ. როდესაც ბუჩქები გაიზრდებიან, ზომიერად შეავსებენ სიცარიელეს და ძალიან ლამაზი სანახავები გახდებიან. ჰორტენზიის დარგვისას მიწაში კარგია თუ შეურევთ წიწვებს. hortenzia-ის სურათის შედეგი

 

მორწყვის რეჟიმი:

რაც შეეხება მორწყვას, როგორც უკვე აღვნიშნეთ, ამ ყვავილების ნიადაგი მუდამ სველი უნდა იყოს. მოსარწყავად იდეალურია ნადგომი წყლის გამოყენება. წყალში პერიოდულად შეგიძლიათ დაამატოთ ლიმნის წვენი. გაითვალისწინეთ ის ფაქტორიც, რომ უნდა მორწყათ მხოლოდ მიწა, ზედაპირული მორწყვა ამ ყვავილს არ უყვარს, მის ფოთლებსა და ღეროებს არ უნდა შეეხოთ.

ჰორტენზია ღია გრუნტში გაზაფხულზე ირდგვება, როცა ყინვები ჩაივლის. 

 

სასუქი:

ჰორტენზიის შეფერილობა იცვლება ნიადაგში არსებული სასუქის მიხედვით. თუ თვეში ერთხელ რკინისhortenzia-ის სურათის შედეგი მარილებს ან ლიმნის წვენს დავამატებთ, მაშინ ყვავილები ლურჯი ან ცისფერი ექნება. ასევე თუ გინდათ სხვადასხვა ფერის ყვავილები ჰქონდეს ცალი მხრიდან მიეცით სასუქი. სასუქი რამოდენიმე ეტაპად უნდა მივცეთ: გაზაფხულზე, რომ კვირტები კარგად განივითაროს, ივნისში და ყვავილობის დროს, რომ ხანგრძლივი ყვავილობა ჰქონდეს. 

ჰორტენზიას შემოდგომაზე გასხვლა ესაჭიროება. სასურველია ძველი ტოტები მოვაჭრათ, რომ ახალი ტოტები უფრო უხვად ამოიყაროს და ყვავილობაც უხვი ექნება. 

 

გამრავლება:

გამრავლება 2 გზით შეგიძლიათ: ბუჩქის დაყოფით და კალმებით. hortenzia-ის სურათის შედეგი

დაყოფა  შეგიძლიათ გაზაფხულზე, ამისათვის უნდა ამოიღოთ მიწიდან და გაყოთ მცენარე. ირგვება ჩვეულებრივი წესით. ახალი მცენარე მეორე წლიდან იწყებს ყვავილობას.

კალმით გასამრავლებლად მოჭრილი ტოტი უნდა ჩარგათ ქვისანარევ ნიადაგში და დაასათბუროთ. 

ქოთნის ჰორტენზია წელიწადში ორჯერ გადარგვას საჭიროებს. ძალიან დიდი ყურადღება უნდა მიაქციოთ მის მორწყვას. წყლის ნაკლებობის შემთხვევაში ჰორტენზიას ყვავილები გაყავისფერდებიან. ასევე უნდა მოარიდოთ ეს ყვავილი მზის პირდაპირ სხივებს.

კატეგორია: მოყვავილე მცენარეები | დაამატა: fisofiso35
ნანახია: 573 | რამოტვირთვები: 0 | რეიტინგი: 5.0/2
სულ კომენტარები: 0
avatar