გეორგინა იგივე დალია მრავალწლოვანი ბალახოვანი  მცენარის გვარი რთულყვავილიანთა ოჯახისაა. აქვს გორგლისებრ გამსხვილებული ფესვები 35-200 სმ სიმაღლის ღრუ ღერო, მოპირისპირედ განლაგებული ფრთისებრი ან სამმაგ ფრთისებრი ფოთლები, კალათა ყვავილედი, რომელიც სხვადასხვა შეფერილობის მრავალი მილისებრი და ენისებრი ან მხოლოდ ენისებრი ყვავილისაგან შედგება.

გეორგინის დაახლოებით 15 სახეობა ველურად იზრდება მექსიკასა და გვატემალაში. ჰიბრიდიზაციით მიღებულია მისი 8 ათასზე მეტი ჯიში. ყვავილედის ტიპების მიხედვით ბაღის გეორგინები სამ ჯგუფად იყოფა: არაბუთხუზა, ნახევრად ბუთხუზა და ბუთხუზა. გეორგინა ბევრ ყვავილს იკეთებს, კარგად ხარობს განათებულ ადგილებსა და განოყიერებულ ნიადაგებზე. 

გეორგინა არის მრავალწლიანი  ბოლქვოვანი  მცენარე, რომელიც ბევრ ყვავილს იკეთებს, კარგად ხარობს განათებულ ადგილებსა და განოყიერებულ ნიადაგებზე. გეორგინა იზრდება 30-40 სმ. ყვავილობს აგვისტო - ნოემბერში. მცენარეს უყვარს ნესტი, აქტიური ზრდის პერიოდში ეცადეთ მიწა ბოლომდე არ გამოუშრეს, მორწყეთ, როცა მიწის ზედაპირი შეშრება.

 სიცივეების დადგომისთანავე გადაჭერით ზედა ნაწილი და ბოლქვი მშრალ, გრილ ადგილას შეინახეთ, ყინვების გასვლისთანავე ჩარგეთ. პერიოდულად გაუფხვიერეთ ნიადაგი დამოაცალეთ შემხმარი ფოთლები და შემჭკნარი ყვავილები. გეორგინა იდეალურია აივნებისთვის, ღია გრუნტის გასალამაზებლად, შეგიძლია მოათავსოთ ოთახშიც კარგად განათებულ ადგილას. თვეში ერთხელ სჭირდება სასუქი, მიეცით კომპლექსური სასუქები.

გეორგინას გამრავლების ყველაზე კარგი საშუალებაა მისი ბოლქვები. გაზაფხულზე როცა ყინვები მორჩება ბოლქვი უნდა ჩარგოთ 10 სანტიმეტრის სიღრმეზე. წინასწარ კარგად გაფხვიერებულ და სასუქიან მიწაში. გაითვალისწინეთ ის, რომ ბოლქვი ყინვას ვერ უძლებს, როცა დაიყვავილებს, ნოემბრის ბოლოს ბოლქვი ამოიღეთ მიწიდან და  ბნელ მშრალ პირობებში შეინახეთ.  ასევე შეიძლება მისი  კალმით და თესლით  გამრავლებაც.